მასწავლებლის ეროვნული ჯილდოს ათეულთა კლუბის საკოორდინაციო საბჭო შეიქმნა. საბჭოს მიზანია უზრუნველყოს ათეულთა კლუბის ფარგლებში სხვადასხვა პროექტების ინიცირება, დაგეგმვა და კოორდინირება. ასევე, საჭიროებისამებრ ათეულთა კლუბის სახელით ითანამშრომლოს ეროვნული ჯილდოს საორგანიზაციო ჯგუფთან და სხვა მესამე პირებთან.

ათეულთა კლუბის საკოორდინაციო საბჭო შედგება 6 წევრისგან, რომელთა შერჩევა მოხდა  კენჭისყრით, თითოეული წლის საუკეთესო ათეულის შემადგენლობიდან. საბჭოს, ასევე, ჰყავს საბჭოს წევრების მიერ 2 წლის ვადით არჩეული თავმჯდომარე, რომელიც გაუძღვება საბჭოს სამუშაო შეხვედრებს და უზრუნველყოფს მიღებული გადაწყვეტილებების ზედამხედველობას.

ათეულთა კლუბის საკოორდინაციო საბჭოს წევრები არიან:

2017 წელი_თინათინ ზარდიაშვილი, ქ. თბილისის N143 სკოლის ქიმია და ფიზიკის მასწავლებელი;

2018 წელი_თემურ სუყაშვილი, ქალაქ მარნეულის N2 და N5 საჯარო სკოლების სამოქალაქო განათლების/მოქალაქეობის მენტორი მასწავლებელი;

2019 წელი_გიორგი ჭაუჭიძე, ბოლნისის მუნიციპალიტეტის ძველი ქვეშის ქართული ენის მასწავლებელი;

2020 წელი_ანა კინწურაშვილი, ქ. თბილისის, კერძო სკოლის „ქორალი“ – მათემატიკის მასწავლებელი;

2021 წელი_ქეთევან სეფიაშვილი, ქ. თბილისის N10 და N108 სკოლების ფიზიკის მენტორი მასწავლებელი;

ათეულთა კლუბის საკოორდინაციო საბჭოს თავმჯდომარე:

2022 წელი_მიმოზა ღოლიჯაშვილი, გორის მუნიციპალიტეტის სოფელ ხიდისთავის საჯარო  და გორის მეცნიერებათა სკოლის სამოქალაქო განათლების, მოქალაქეობის მენტორი მასწავლებელი.

2018 წელს ჯილდოს ფინალისტების ინიციატივითა და განათლების კოალიციის მხარდაჭერით მასწავლებლის ეროვნული ჯილდოს ათეულთა კლუბი შეიქმნა, რომლის მიზანია ხელი შეუწყოს პროგრესული პედაგოგიური პრაქტიკის გავრცელებას.  ათეულთა კლუბი მუშაობს როგორც შიდა ქსელის გაძლიერების, ასევე მასწავლებლის პროფესიის პოპულარიზაციის, კოლეგებისთვის გამოცდილების გაზიარებისა და სასკოლო საზოგადოების გაძლიერებისთვის.

ათეულთა კლუბი აერთიანებს 70 მასწავლებელს (2023 წელი).