ზოგადი ინფორმაცია

„მასწავლებლის ეროვნული ჯილდო – საქართველო“ არის გლობალური კამპანიის ნაწილი, რომელიც მიზნად ისახავს პროფესიის პოპულარიზაციას, პრესტიჟის ზრდას, წარმატებული მასწავლებლების გამოვლენასა და საზოგადოებისათვის მათ წარდგენას.

2017 წლის 19 მარტს, განათლებისა და უნარების გლობალურ ფორუმზე საქართველომ მიიღო მასწავლებელთა გლობალური ჯილდოს აკრედიტაცია. საქართველოს ფორუმზე წარმოადგენდა განათლების კოალიცია.

აკრედიტაციის საფუძველზე, კოალიციის ინიციატივით, მასწავლებელთა პროფესიული განვითარების ეროვნულ ცენტრთან (TPDC) პარტნიორობით, დაიწყო და 2017 წელს პირველად ჩატარდა მასწავლებლის ეროვნული ჯილდო. აღნიშნულს შეუერთდა და მხარს უჭერს საქართველოს განათლებისა და მეცნიერების სამინისტრო.

 „მასწავლებლის ეროვნული ჯილდოს“ გენერალური სპონსორია „გუდავაძე-პატარკაციშვილის“ ფონდი. მხარდამჭერები არიან: ილიას სახელმწიფო უნივერსიტეტის, „ლიბერთი ბანკი“, კონსულტაციის და ტრენინგების ცენტრი (ctc), ტელეკომპანია „იმედი“, „საზოგადოებრივი მაუწყებელი“ და მარკეტინგული კომპანია „4მედია“.

ეროვნული ჯილდოს გამარჯვებულს პრიზის სახით გადაეცემა 10 000 ლარი.